احببت مچنونة

مومو فايتك كتيييير اوي طيب دا انا هوريك اللي عمرك ما شفته
مراد بزهق _ سوسو حبيبتي ليه زنانه كده قولت No to touch يعني No to touch اقعدي بقا انا جعان هتاكلي معايا 
سالي بلوي بوز _ هه اكول لا شبعانه 
مراد يقف جوه المطبخ يجهز اكل وتيجي علي باله مي هي وبتقوله بس انت ضحكت وقولتلي طلعتي اااخ وفجاه يضحك بصوت عالي سالي _ ما تضحكني معاك 
مراد _ ههههه لا ولا حآجه فكري هتاكلي معايا ولا لا هتندمي انا بعمل شوية بيض بالبسطرمه انما ايه يودو المستشفى ههههه
تاني يوم 
ياسمين _ الو ايوه يا خالتي امال فين البت مي 
الام _ مي بتجهز نفسها علشان نروح نشتريلها شوية حاجات عقبال فرحك اصلها هتجوز 
ياسمين بأستغراب تسأل نفسها _ معقول يكون مراد هيخطبها زي ما هيعمل هشام.... فجاه كده امال مين العريس 
الام_ واحد خليجي ميتخيرش عن جوز هبه 
ياسمين بخضه _ انتي بتقولي ايه ازاي ده فين مي ادهاني 
الام _ دقيقة بت يا مي تعالي كلمي صحبتك 
مي تيجي وهي مطفيه تماما_ ايوا يا ياسمين في حآجه 
ياسمين _ ايه اللي سمعته ده 
مي بصوت متحشرج _ زي ما سمعتي 
ياسمين بحزن _ وانتي رايك ايه متقوليش انك موافقه 
مي ببكاء_ انتي عارفه عندنا البنت ملهاش راي انا اتكتب عليه اني اتجوز واحد اكبر مني باكتر من تلاتين سنه يا ياسمين 
ياسمين پبكاء _ طيب بطلي بكا وارفضي متوافقيش أبدا 
مي _ ومين قال اني مرفضتش اقفلي يا ياسمين مع السلامه وتقفل في وشها 
ياسمين _ مي انتي يابت قفلت في وشي منك لله يا ابو حماده راجل مفتري يا حبيبتي يامي
ياسمين قعدت طول اليوم زعلا نه على صحبتها لغيت ما جه هشام جهزت العشا واتعشو وهي مبتتكلمش وبعدين استاذنت ودخلت 
هشام بحيره_ هي مالها يا طنط 
الام بتنهيده_ زعلانه علي مي صحبتها يابني 
هشام _ مالها مي 
الام _ الله يسامحه ابوها هيجوزها لواحد ڠصب عنها وكبير عنها بسنين كتير 
هشام _ معقول لسه في ناس كده 
الام_ للاسف فيه 
هشام _ لا اله الا الله زعلت بجد ربنا يتولها 
الام _ يارب 
بيروح هشام البيت 
اخته ملك _ ايه ياعم هي العروسه هتاخدك مننا كده كتير 
هشام _ في ايه يا لمضه عاوزه ايه 
ملك _ كنت عاوزة اخد رايك فى الفستان اللى هلبسه بكره فى الخطوبه 
هشام _ طيب يلا وريني 
ملك _ دقيقة هروح البسه واجي وبتجري علي اوضتها 
هشام _ مامااا انتي فين 
الام _ مساء الخير ياحبيبي جيت امتي 
هشام _ لسه داخل اهو 
الام _ خطيبتك وامها عاملين ايه 
هشام _ بخير الحمدلله.... بخيبه مبسوطه ياماما اني هتجوز
الام _ ياااه انت مش عارف انا كنت مستنيه اليوم ده بفارغ الصبر كنت خاېفه اموت قبل ما يجي 
هشام _ بعد الشړ عنك متقوليش كده وللحظه سرح وفكر ف امه اللي فرحانه وفي الاخر هيطلع اتفاق ومفيش جواز 
ملك _ اااتش ايه رأيك وبتلف 
هشام يبصلها بإبتسامة وفرحه باخته الصغيرة اللي بقت عروسه وشكلها اللي طالع زي العسل بالفستان اللي لبساه 
هشام برزاله مصتنعه _ وحشه اوي مش كده يا ماما 
الام _ قمر حبيبتي الفستان انتي اللي محلياه 
ملك تحضنه امها_ حبيبتي انتي شفت النااس اللي بتعرف تقول حآجه تفرح مش زيك 
هشام_ يابنتي القرد في عين امه غزال مسمعتيش عن المثل ده اهو اتعمل مخصوص علشانك 
ملك_ ههههه حبيبي يا اتش متقلقش انا مش هتجوز وهفضل قاعده انكد عليك ايه رأيك 
هشام_ نهار ابيض دي مصدقة 
ملك _ ههههه رذل
مراد بيتصل ب هشام
هشام_مارو حبيبي عامل ايه 
مراد_ بخير يا سيدي امال فينك ياعم امال لو كانت خطوبه بجد كنت قاطعتنا علي كده
هشام_ ما انت عارف تجهيزات وحلويات وقاعه كله بياخد وقت
مراد_ والله حرام المصاريف دي كلها علي خطوبه Feky. ما تخلوها بجد 
هشام_ ههههه يا سلام ودا ازاي بقا
مراد_ ياعم هتخبي عني انت مشفتش نفسك وانت بتجري وراها في الشارع... يااااسمين استني بقولك وتشدها وټضرب علشانها لئيم انت يا اتش 
هشام_ ههههه والله ما حد لئيم وفاضي غيرك يابني ياسمين مش اكتر من صديقه بساعدها 
مراد_ ايوووه صدددديقه طيب ياعم الصديق انت هعمل نفسي مصدقك بس المهم انت تكون مصدق 
هشام_ مصدق بس انت اطلع منها اه صحيح انت مش كنت عند ابو مي بتطلبها منه حسب الخطه 
مراد _ حصل وهو وافق بس ده راجل طماع اوي تصور من اول مقابله طلب مليون جنيه 
هشام _ ايوووه 
مراد _ ليه في حآجه حصلت انا معرفهاش 
هشام _ يعني مي هتجوز 
بنت زي دي 
مراد بعصبيه _ يعني ايه غاصبها وربنا لا اروح اكسر البيت علي دماغه
هشام _ اااهدا
اهدا في ايه انت صدقت ما كلنا عارفين انها تمثليه وخلاص ولا في حآجه انا معرفهاش اوعا تكون حبيتها
مراد بزعيق _ ياخي بقا يا هشام متعصبنيش احبها ايه المعفنه دي كل الحكاية ان دا قلت تقدير ليه 
هشام بإبتسامة_ طيب خلاص ومتتعصبش اهي راحت لحالها ومش هتضايقك تاني مش انت كنت عاوز تخلص منها 
مراد _ يووووه اقفل يا هشام ولا استنا.. هي هتيجي الخطوبه بكره ولا لا 
هشام بضحكه _ معرفش
مراد _ متضحكش ياااخي انا مش طايق نفسي
هشام_ ههههه حاضر
مراد _ يقفل في وشه وهو شايط ياخي دا انت فاضي
التفااااعل بجماعه انا كداا هزعل و هجيب نااس تزعل لييييه التفاعل مع الرواية قليل اووي كدا
احببت_مجنونة 
البارت_11
يوم الخطوبه 
ياسمين _ الو 
مي بحزن_ حبيبتي وحشتيني 
ياسمين بحزن _ وانتي كمان ياقلبي نفسي اكون معاكي بس ڠصب عني والله انتي عارفه النهارده الخطوبه بس بالله عليكي اوعي متجيش 
مي بضحكة غلب _ ههههه خطوبه هو الموضوع قلب جد ولا ايه 
ياسمين _ تؤتؤ لسه زي ما احنا 
مي _ تعرفي انكم لايقين علي بعض اوي لما بشوفكم مع بعض بصدق انكم مخطوبين 
ياسمين بتنهيده _ لاا يا مي احنا زي ما احنا هشام صديق مش اكتر 
مي _ صديق بس يعني مفيش اي مشاعر اتطورت 
ياسمين بتنهيده _ اممم بصي انا معرفش ايه الاحساس ده بس انا دايما حاسه انه حوليا فهماني 
مي _ فهماكي على العموم الف مبروك حتي لو بالكدب 
ياسمين _ مي رغم ان الخطوبه كدب بس انا بجد محتجاكي معايا وكمان علشان نتكلم شويه عشان خاطري تعالي 
مي _ هاجي ساعه وهكون عندك هقضي اليوم كله معاكي 
ياسمين _ حبيبتي منحرمش منك يلا هستناكي 
مي بتردد_ ياسمين هو م... هو معاد الخطوبه امتي اقصد يعني الساعه كام 
ياسمين تفهمها _ انتي مكنتيش هتسالي علي الخطوبه قولي في ايه 
مي _ مفيش حآجه 
ياسمين _ لا بجد قولي هتخبي عليه! 
مي_ امم كنت عاوزه اسأل علي مراد هو عرف بالموضوع بتاعي 
ياسمين_ مش عارفه بس مظنش هيكون مين قاله يعني دا حتى هشام انا مجبتلهوش سيره 
مي_ كويس اوي انا عاوزه اقوله ان خلاص يسيبوه من التمثليه اياها بس ياريت تخلي هشام يقولو 
ياسمين _ حاضر متشغليش بالك انتي 
في المساء في قاعة المناسبات 
بيكون هشام وبقيت المعازيم داخل القاعه بيتبادلو الحديث وبعدين بتدخل ياسمين اللي لابسة فستان ناعم لونه ابيض لامع مع شعر بني طويل مزين بالورد الأبيض عشان تكون زي الاميرات الكل بصلها وبدأت اصوات الإعجاب بشكلها تملا المكان وبينهم هشام اللي فضل باصص عليها ما بين احساسه بجمالها اللي فوق الوصف واحساسه بالخيبه علشان دا كله تمثيل استمر وقوفه كده وهو شارد لغيت ما ملك شدته من ايده لغيت ياسمين 
ملك بضحكه طفوليه _ ههههه شوفي واقف مسهم ازاي ومش قادره يتحرك بعد ما شاف قد ايه انتي قمر يابختك ياعم مكنتش اعرف انها حلوه كده غير لما شفتها 
ياسمين تبتسم ابتسامة مجاملة حبيبتي انتي اللي قمر 
هشام يبصلها وهو ساكت 
ياسمين بفرحه غير مكتمله وبسمه يملاها الحزن _ ايه مقولتليش ايه رأيك 
هشام بهدوء _ مفيش كلام يكفي وصف جمالك 
ياسمين _ مش لدرجة دي يعني
هشام _ هوف انابجامل متصدقيش 
ياسمين_ ههههه ماشي 
هشام _ شوفي الناس مصدقة ازاي 
ياسمين بحزن _ فعلا وخصوصا ماما انا صعبان عليه فرحتها دي اوي 
هشام_ امم بقولك ايه 
ياسمين _ ايه 
هشام_ ايه رايك نحاول نصدق اللحظة دي يعني متفكريش في حآجه علشان محدش ياخد باله 
ياسمين تميل رأسها بالموافقه
مي واقفه جمب ياسمين ومش باين علي وشها اي تعبير لغيت ما بيدخل مراد وتشوفه ف تمشي بسرعه علشان ميشفهاش
مراد _ اتش حبيبي الف مبروك يا غالي وبيضحنه ويهمس ليه طيب تصدق انا صدقت ما تفكر وتقلبها جد وهو كل حآجه موجوده 
هشام بهمس_ خلي ليلتك تعدي 
مراد _ انت حر وسع نبارك للعروسه 
الف مبروك وعقبال الفرح ان شاءلله ههههه 
ياسمين _ اتريق اتريق علي العموم الله يبارك فيك 
مراد _ فين المقروضه التانيه 
ياسمين _ كانت هنا دلوقتي راحت فين 
مراد _ ايوه خلاص اقعدي انتي جنب الاستاذ ده وانا هشوفها
بيلف مراد علشان يلاقاها ولما لاقاها بدأت تتهرب وتتكلم مع الضيوف 
مراد _ تعالي عاوزك لكن هي بتتجاهل كلامه وتروح عند ضيوف تانين 
مراد _ مي بقولك تعالي انتي عرفاني ممكن اشيلك قدام الناس ولا يهمني ف تعالي بذوق احسن 
مي _ مراد من فضلك بلاش فضايح ولو كان علي الاتفاق اياه ف اعتبره ملغي. عن اذنك 
مراد بعصبيه يمسكها من معصمها ويشدها نحيته وپغضب لما اكلمك تردي عليه 
مي _ سيب ايدي وبلاش فضايح. مراااد بقولك سيبني 
مراد _ مش هسيبك غير لما تيجي معايا 
مي_ خلاص هاجي بس سيب الناس بدأت تبصلنا 
مراد _ يلا 
ام هشام _ الف مبروك يا هشام عقبال ما اشوفك عريس ان شاءلله الف مبروك ياحبيبتي 
ياسمين بإبتسامة _ الله يبارك فيكى يا طنط 
هشام _ اديني حققتلك حلمك اهو اي رايك عرفت اختار.. لترد ياسمين بإبتسامة باهته 
الام _ عيني عليها بارده.. 
ام ياسمين _ يلا علشان تلبسو الشبكة 
وبتبتدي تقدم ليهم الشبكة بدأ يلبسهالها ومقدرش ما يبصلهاش بتركيز شديد وهو شايفها متوتره ومكسوفه انه يمسك ايدها بعدين هي بتلبس الدبلة وقبل ما تسيب ايده هو مسكلها ايديها بتمكن وبصلها بشرود لتبادلو هي نفس النظرات وكأن مفيش غيرهم في المكان وتستسلم ومتحاولش تشيل ايدها
مي _ عاوز ايه مينفعش اللي حصل قدام الناس ده 
مراد بغيظ_ انا حر اعمل اللي عاوزه ودا مش موضوعنا ايه اللي عملتوه انتي وابوكي ده 
مي _ شئ ميخصكش دي حياتي وانا حره 
مراد _ ولما هي حياتك وحره بتدخليني فيها من الاول ليه مصبرتيش ليه يكون عريس حقيقي يجيلك 
مي _ وخلاص جه يا سيدي وانا بعتذرلك اهو ممكن امشي 
مراد _ مش هتمشي غير لما انا اقولك انتي كدابه انتي مش موافقه واستنيتك تقولي انك مغصوبه بس انتي بردو ضعيفه وانا قولتلك بكره ضعفكم 
مي ببكاء_ ايوه ڠصب عني نفس اللي حصل معا اختي هيحصل معايا 
مي _ اللي