رواية دعوة حضانة بقلم يارا عبد السلام
حضنك كان نفسي في حنيتك كان نفسي تطبطب عليا وتاخدني معاك كان نفسي احس انى عندى اخ الله يرحمك ويسامحك...
وخرجت بسرعه..
وانا خرجت وراها
_ممكن تهدى يا شهد مش كدا
_عوزا اروح..
حسيت فعلا انها تعبانه فهزيت راسي وخدتها وروحنا...
طلعت معاها علشان اتطمن عليها...
ها يبني عملتوا اي
_شادي ماټ يا امى اڼتحر
يا عيني ربنا يسامحه ويغفرله وشهد عامله اي يا ابني
حقها يا ابني انا هروحلها اواسيها
_ماشي وانا هروح اشوف موضوع ريهام واډفنها
ماشي يا ابني ربنا يقدرك على فعل الخير ويرضى عنك دائما
_اللهم امين يارب وباس ايديها ونزل
اتصل بحازم وجاله علشان يكون معاه...
وخدوا ريهام وډفنوها في مدافن اللي خاصه بعمر..
وكل واحد روح...
بعد طبعا ما عرف اللي حصل لشادي زعل للي وصلو ليه هم كانو أصحاب جدا بس الزمن غدر بيهم ووقعهم في بعض...
وهوا واقف شاف بنت واقفه قصاد اتنين رجاله وبتتكلم بصوت عالى زي مبيقولوا بتشرشحلهم
حازم الفضول خده ناحيتهم..
وقالفي اي يا انسه
واحد من اللى واقفينوانت مالك يا اخ متخليك في حالك
_اه تبعي عندك مانع
_لا تمام خلاص أن شاء الله يولعوا فيكي..
حازم الټفت ما القاش العربيه بتاعته.!
حراميه
الجزء التاسع عشر. دعوى_حضانه
حازم وقف مذهول من اللى حصل...
اي دا هوا خيرا تعمل شړا تلقى والټفت علشان يشوف البنت دي ملقهاش ولا لقى حد مش عارف يعمل اي...
واتصل بعمر وحكاله علشان هوا اصلا ميعرفش غيره...
_عمر الحقنى عربيتي اتسرقت
_ازاي وانت كنت فين
وحازم حكاله اللي حصل..
وعمر فضل يضحك
_انت بتضحك لي
_علشان انت مغفل انت مفكر نفسك في امريكا وهتقف تساعد وتشوف اللي بيتخانقوا!
_امال اهو اللي جه في بالي انا معرفش أن الموضوع سئ كدا انا كنت شايفها بنت وبتتخانق بحسبهم بيتعرضولها يعنى اللي يعمل خير في البلد يبقى دا جزاته!.
_اه طبعا
_كانت شكلها عامل ازاي ولا لابسه اي
_كانت قمر!
_اي يا روح امك هوا اي اللي قمر
_البنت قمر اووي يا عمر ودي استحاله تسرق اكيد مغصوبه على كدا
وانا متاكد أن العربيه اتسرقت بسبب سرحانك دا مانت مش هتتغير..
_يوووه خلاص ماشي طيب تعالى خدني طيب انا واقف في الشارع مش عارف اعمل اى
_ماشي جايلك...
انت فين
_في
عمر كان في البيت وامه مش هنا كانت عند شهد وكان عاوز يقولها أنه هيروح يجيب حازم..
خرج وبتوتر خبط عالباب...
هوا متوتر لي كدا !
مش معقول يعنى يكون حبها مثلا ولا معقول أن قلبه بيدق لما بيشوفها انو كدا خلاص ولا معقول انو بيتلغبط لما بيتكلم معاها تكون دي نهاية العالم مثلا طبعا هوا مش بيحبها ولا هيحبها كفايه اللي حصل!
فتحت هى الباب...
يوووه هوا انا اتوترت لي دلوقتي تمالكت نفسي
_احم ممكن امى..
_اها اتفضل
_لا معلش انا بس عاوزها في حاجه علشان ماشي
_طيب ثواني
اي دا هي مش كانت تعبانه وبتعيط دلوقتي شكل امى حطط السحر بتاعها...
هوا نفسه لما بيكون زعلان ومهموم أمه السحر اللي بيداويه ويخليه يبتسم ودعا ربنا أنه يحفظها ليه ويديمها في حياته
_اي يا عمر في اي
حكالها اللي حازم فيه وقالها انو هيخرج ومش عارف هيرجع امتى
_خلي بالك من نفسك ويحيي ماشي
_ماشي يا حبيبي ربنا يحفظك وترجع بالف سلامه
شهد سمعتها
_انا متخيله أن اللي عمر فيه دا بسبب دعوتك ورضاكي عليه
عمر دا ابني الوحيد جبته بعد لما فضلت خمس سنين مخلفش وبعدها بكام سنه جوزي م١ت كأن ربنا رزقني بيه علشان يبقى ونسي وضهري في الحياه بعد أبوه لما ماټ.
اشتغلت عندكوا بعد جوزي وعمر اتربي مع شادي اخوكي وكان مذاكرتهم وكل حاجه سوا وحازم التلاته كانو. اصحاب اووي بس الزمن اللي دار والدنيا غدرت بيهم وفرقتهم...
انتى تعرفي انك اتولدتي على ايدي اه والله انتى كنتى الورده بتاعت البيت وعمر كأن فرحان بيكي اووي بس بعدها ابوكى ماټ وامك فضلت عايشه شويه وبعدين ماټت وبعدها انا طبعا سبت الشغل وعمر اللي بدا يشتغل ويذاكر والحمد لله اتخرج ووصل المكانه دي بفضل دعواتى لي ونجاحوا...
شهد فرحت اووي بعمر وحست انو فعلا يستحق اللي هوا فيه دا ومتعرفش هى حبته ولا اي نظامها بس برضو بتحس بتوتر ولغبطه لما بتشوفه بس هل هوا ممكن يحبها اصلا بعد كل اللي شافه!
.عمر وصل لحازم اللي كان واقف حاسس انو تايه
_امال بقى لو مكنتش من هنا
_يبني الدنيا اتغيرت انا مش عارف اي اللي بيحصل دا دول لو متصلطين عليا مكنوش عملو كدا
_خلاص أهدى وانا هشوفلك الموضوع دا تعالى معايا...
وصلوا المركز اللي حازم قدم فيه بلاغ..
وقابلوا الظابط
للاسف العصابه دي تخصص عربيات اصلا وكل يوم يعملوا نفس الشو دا في نفس المكان وياخدوا العربيه ويمشوا احنا حتى مش عارفين نوصلهم
عمر _يعنى هيفضلوا يسرقوا كدا وانتو قاعدين تتفرجوا ازاي مش بتتحركوا يعني الناس اللي بتتسرق عربياتها دي ټموت وهم مفكرين انكوا بتدوروا وانتوا قاعدين في مكاتبكوا
الظابطواحنا نعمل اي مجتلناش اوامر باي حاجه
عمراه واحنا مطلوب مننا نقعد حاطين ايدينا على خدنا علشان حضراتكوا مفيش اوامر انتو مصدقين نفسكوا!
مش المفروض انتو اللي بتساعدونا ولا احنا نروح نساعد نفسنا وتقولوا علينا بنخالف اللوايح والقوانين...
_انت عاوزنا نمشي ورا كل واحد نحرسه
_لا طبعا انا عاوزك تبقى معانا ونشوف مين بيعمل كدا ونوصله
_تمام انا هاجى معاك وملهوش لزوم اي حاجه من اللي انت قولته دا
_تمام يلا بينا
راحوا وشافوا المكان والظابط عاينه واتفقوا أن عمر هيقف بكرا في نفس المكان بالعربيه بتاعته ودا الامل الوحيد أن عربيات الناس اللي اتسرقت ترجع...
عمر روح البيت وكان اليوم متعب ومرهق اووي بالنسبه ليه...
ودا كان بليل...
عمل كوبايه شاي ودخل البلكونه يشربها...
وهوا بيتنفس الهوا ومن الخنقه اللي هوا فيها اتنفس بقوة..
_شكرا على كل اللي عملته معايا النهارده
فتح عنيه على صوت شهد اللي بيزود من ضربات قلبه...
بصلها وهي كانت واقفه وبسيطه جدا وشعرها ديل حصان ودا اللي زاد من جمالها...
_على اي مفيش شكر وبعدين تقريبا كدا انتى بقيتي مسئوله منى
_لا انا مش مسئوله من حد وانا كبيره كفايه علشان اعتمد على نفسي وابقى مسئوله عن نفسي
_اممممم برافو انا بحب الاسترونج وومان جدا واثقه في نفسك
اتوترت شويه
_احم ايوا جدا وعندى احلام كمان كتير قاد كدا..
يصلها باهتمام كدا وقال
_اي هى
_اولهم انك تحبني!
يارا_عبد_السلام
الجزء العشرون.. دعوى_حضانه
_اممممم برافو انا بحب الاسترونج وومان جدا واثقه في نفسك
اتوترت شويه
_احم ايوا جدا وعندى احلام كمان كتير قاد كدا..
يصلها باهتمام كدا وقال
_اي هى
_اولهم انك تحبني!
_اي!
برقت كدا اي اللي هى قالته دا...
وسابته ودخلت على جوا من غير كلام..
وهوا فضل باصص في أثرها...
_معقول دا يحصل...
انتى كنتي صغيره اووي لما شوفتك يعنى بالنسبه ليا هتفضلي صغيره...
شهد دخلت..
وفضلت ټعيط على اللي عملته..
هوا هيفكر فيها اي معقول عفويتها الزياده توديها في داهيه وتخليه يظن فيها وحش...
ولا علشان هي دبش ومش بتفكر في اي كلام قبل متقوله..
يارب ميكون خد باله من اللي قولته !
خد باله اي دا الكلمه رنت في ودانه..
اه يحستي السوده يانا ياما اه يانى يا فضيحتك يا شهوضه يا فضيحتك يا اختى انا مش عارفه اي اللي هببته دا لا دانا مش هوريه وشي تاني دانا مش هخرج من باب الشقه..دانا مش هخرج من الأوضه اصلا...
انا هبله وعبيطه وجموسه..
وقامت بصت علي شكلها في المرايا...
انا سو كيوت اووي وانا بعيط مش عوزا اقول ان كلنا بنعمل كدا
وفضلت تكلم نفسها
هوا معقول عمر ممكن يحبني...
اااااه يواد يا عمر يا ابن ام عمر ياللي خاطف قلبي انت مش عارفه حبيتك ازاي بس قلبي اتعلق بيك من اول مره شوفتك فيها واتأكدت النهارده بعد اللي حصل حسيت انك الامان وانك اللي فاضيلي فعلا بعد اللي حصلي وانك هتكون العوض...
وبعدها افتكرت اللي عملته..
يختاااااي عوض اي دا عوض م١ت دا ممكن عمر لما يشوفني يعملني كفته...وانا بحبها محمره ام صوابع دي...
انا هبله...
بذمتك هوا ممكن يحبك اصلا بهبلك دا..
_لي لا انا حلوة وعسل..
يختااي دانا هتلبس خلاص دانا هيجيلي هسهس...انا هدخل انام احسن...
نامت على السرير..
وهى كل شويه بتفكر في اللي عملته وبتفكر في اللي هببته مش عملته...
_يارب عمر ينسى يارب كأنى مقولتش حاجه انا غلبانه...
وفضلت تكلم نفسها لحد منامت...
عمر فضل صاحى بيفكر في كلمتها...
هي فعلا بتحبه ولا احساس الامان والسند اللي شافته هوا اللي عمل كدا...
لا وانا استحاله احب تاني لان الحب كدبه وانا مش عايز تاني...
انتي طلعتيلي منين يا شهد انتى كمان...
عفويتك دي اللي تخلي اجدعها جبل يلين قصادك...
يا تري هتعملى اي يا شهد...
وازاي انا في احلامك واولهم...ناويه على اي يا بنت حجازى...
وهوا كمان فضل يكلم نفسه شويه لحد مراح في النوم من التعب...
في صباح يوم جديد..
عمر صحى..
هوا متاكد ان شهد مش هتيجي الشغل النهارده ومتأكد انها مش هتخرج من شقتها اصلا..ومتخيل شكلها وهي مكسوفه فابتسم..
_سر الابتسامه...اخيرا يا ابني بعد الفتره دي كلها شوفتك مبتسم
_صباح الخير يا امي عامله اي
_صباح الفل الحمد لله يا ابني بخير طول مانت بخير
_وانا هفضل بخير طول مانتى راضيه عنى وباس ايديها...
_روح يا ابني الاهى يجعلك في كل خطوه سلامه وينولك اللي في بالك والإبتسامة متفرقش وشك يارب
_اللهم امين يارب...
المهم خدي بالك من نفسك ومن يحيي...
_وانت خلي بالك من نفسك ويارب ينولك اللي في بالى
ضحك وقالمنتيش سهله يا امى..
_بذمتك البت مش قمر
_سلام يا امي سلام...
خرج من باب الشقه..
وبص علي شقتها...
وتخيل طيفها واقف ورا الباب...
وضحك على كسوفها دا...
قرب من الباب..وتتكلم..
_على فكره هروبك دا مش هيحل المشكله انا من رايي تنزلي الشغل علشان متخصمش فلوس من مرتبك..
وابتسم ومشي..
شهد جوا اڼصدمت...هوا ازاي شافها...
ولما سمعت انو هيخصم من مرتبها...
جريت على الأوضه وليست ونزلت ولازم توصل قبله.
عمر وصل الشركه..
وهوا حاسس ان كل مشاكله انحلت خلاص والدنيا هتبدا تضحكله من جديد...
دخل المكتب وهوا مبتسم...
وملقهاش...
بس هوا متاكد أنها هتيجي...
قعد واشتغل شويه على المشروع الجديد...
وبعد شويه..
لقاها جت وهى بتقدم رجل وتأخر التانيه وداخله وهى متوتره
_صصصباحح الخير
من غير ميبصلها...
مخصوم من مرتبك على التأخير دا وتانى مره متتكررش واتفضلي هاتى ملفات المشروع الجديد من عند حازم وتعالى...
رمى كل كلامه من غير ميبصلها..
وهي عماله تدعى أن الارض تنشق وتبلعها...
مشيت وهي بتكلم نفسها...
عمر رفع رأسه وهوا مبتسم
وبيقول...ماشي يا شهد والله
