حكاية سهيلة مرعبة بقلم هويدا زغلول

يلزمك ويكون عندك علطول
نهلة بفرحة 
انشالله يخليك ليا يايونس ويبارك فيك متعرفش انا فرحانة اد ايه والله بص هو انا عايزة حسبة يجي 30 الف كده ولا حاجة دول مش هيجيبو حاجة كمان انت عارف الدهب غالي
يونس 
اكيد طبعا الدهب غالي انا هديكي 50 وهاتي بيهم اللي انتي عايزاه يانهلة
نهله فضلت تتنطط من الفرحة وقالت له 
انا مش عارفه اقولك ايه بس بقولك ايه يايونس انت متقولش للوجي لحسن البت دي تطمع فيك وتقول انها عايزة هي كمان
يونس 
مفيش مشكله يانهلة الخير كتير الحمد لله لو هي عايزة فلوس ابقي عرفيني وانا اديها علطول
قال كلامه وسابها ومشي ونهلة قالت لنفسها 
لا والله الواد ده شكلة عبيط اوي بقا لو لوجي طلبت فلوس منه يديها لا يايونس انت خيرك كله ليا انا وانا كنت بخطب لك البت دي عشان تيجي تصرف عليا انا بس مش هي انا لازم ابعد البت دي عنه
وتاني يوم راحت نهلة اشترت الدهب بالفلوس اللي ادها ليها يونس ولوجي قالت لها 
مبروك على الدهب ياخالتي بس منين ده كله بقا
نهلة 
وانتي مالك انتي يابت انا ااا كنت عامله جمعيه وجبتة
لوجي 
والله ومن امتى وانتي بتعملي جمعيات ان شاء الله انا يونس قالي ان الدهب ده من فلوسة وهو اللي اداكي متحوريش عليا وقالي كمان انه هيجيب لي زيك
نهلة 
نعممم ياختي ويجيب لك زي ليه بقا ان شاء الله انت عايزة تساوي نفسك بيا يابت انتي طيب انا وفي مقام امه انما انتي بقا عايزة ايه منه
لوجي 
انا هبقا مراتة ياخالتي عشان كده انا اولى بفلوسة مش حد تاني
نهله اتعصبت عليها وقالت لها 
لا ياحبيبتي اسمعي يابت اذا كنتي انتي وأهلك طمعانين في الواد فده بفضلي انا لوما انا عليكم مكنتوش هتلاقو واحد مبسوط ومعاه فلوس زي ده فاتلمي يالوجي احسن لك
لوجي 
انا مش هتلم ياخالتي ولازم اخد من يونس زيك بالظبط
نهلة 
طيب بصي بقا ياعنيا يونس ده وشه مشوه وهو لما بيظهر قدامك بيظهر بشكلة ده عشان بيستخدم كريمات بيداري بيها عيوبة انما هو شكلة بشع زي الشيطان بالظبط
لوجي 
انتي بتقولي ايه ازاى الكلام ده بقا انتي معرفتنيش من الاول ليه
نهله
الصراحة كده عشان كنت عايزاه يجي يعيش هنا معانا واقدر اخد منه اللي انا عايزاة يا لوجي عشان كده مكانش ينفع اعرفك حقيقتة
لوجي
وانتي جايه تقولي لي الكلام ده بعد ايه هاا طيب ياخالتي انا هوريكي وهوريه وهتشوفي
وراحت لوجي الشغل عند يونس وقالت له
انت ليه خبيت عليا انك مشوه ووشك شبة الشيطان بس مداريه بالكريمات
يونس اټصدم من كلامها وقال لها
انتي الكلام اللي انتي بتقوليه ده جبتيه منين
لوجي
جبتة من مطرح ما جبتة المهم جاوبني يا يونس وبين حقيقتك عشان الناس
كلها تعرفك ولا اقولهم انا على شكلك البشع
وجه المدير على صوتها وهي بتزعق واصحابه كلهم في الشغل اتلمو حواليهم والمدير قال
هو في ايه اللي بيحصل هنا بالظبط في ايه يايونس
يونس
ابدا يافندم مفيش حاجة ابدا
لوجي
مفيش حاجة ازاى لا فيه حضرتك في قرف وزفت الاستاذ اللي قدامك ده مشوه ووشه بشع جدا وخليه يمسح الكريمات اللي مداري بيها خود المنديل ده وامسح وشك خود
المدير
الكلام ده صحيح يا يونس انت فعلا شكلك زي ماهي بتقول كده اعترف
يونس
يا استاذ محمود اللي حصل ده مش صحيح والكلام ده مش صحيح اصلا
محمود
ازاى يعني يايونس خلاص يبقا تمسح وشك وتورينا شكلك كده قدام الناس يلا اتفضل امسح وشك
وقف يونس ساكت شوية ومش عارف يعمل ايه ولاقي الكل عمال يقوله امسح وشك