محاسب في شركة ادوات منزلية
ف بداية القصه انا آدم عندي 23سنه اعمل محاسب في شركه ادوات منزلية في يوم وانا قاعد في مكتبي دخل عليا عروسه جايه تختار شويه اجهزه عشان هتجوز كانت البنت و امها ووالدها البنت هي وامها دخلوا يتفرجوا على الاجهزه اللي موجوده عندنا في الشركه والراجل قعد معايا في المكتب فانا بقوله الف مبروك يا حاج ربنا يتمم علي خير يارب وشوف انت محتاج اي وحنا تحت امرك وندهت على العامل قولتله هات قهوه للحاج وخليك مع الجماعة فرجهم على الاجهزه فأنا بقوله انت أخترت المكان المناسب واحنا ان شاءالله هنشرفك قدام نسايبك عم الحاج قال في ناس كتير بتشكر فيكم وانا جيت هنا من كلام الناس عنكم قعدنا نتكلم انا وهو واتعرفنا على بعض لقيته بيقولي في الحقيقه العروسه مش بنتي لاكن هي بنت صاحبي المټوفي وانا اللي ربيتها من وهي لسه طفله انا كنت مصډوم جدآ من كلامه هو في حد ممكن يعمل كدا كان عندي فضول شديد اعرف اي قصة البنت دي وازاي هو رباها فأنا بقوله والدها اټوفي ازاي قال ابوها كان اقرب صاحب ليا ومكنش ليه اخوات وكان معتبرني اخوه وانا كنت بردو معتبره اخويا لما انا اجوزت وبعد سنتين هو اجوز بعدي وبعد جوازه قرر يجي يعيش معايا في نفس الشارع اللي انا ساكن فيه عشان نكون قريبين من بعض و انا كنت مخلف كان معايا يوسف وانس وهو كان مخلف بنته ريتاج اللي هي العروسه اللي معايا دي وفي يوم رن عليا قالي انا جاي انا والجماعة نسهر معاكم قولتله تشرف انا مستناك المهم جيه هو ومراته وبنته وسهرنا مع بعض وفضلنا نضحك ونهزر وبعد السهر وهما ماشيين قالي هعدي عليكم ريتاج بكرا عشان رايح انا وام ريتاج مشور نجيب شويه طلبات للبيت قولتله ماشي مفيش مشكله ونزلت معاهم لحد تحت ومشو وانا طلعت نمت وتاني يوم الصبح لقيته بيرن عليا بيقولي انزل خد مني ريتاج عشان احنا ماشين دلوقتي قولتله ماشي نزلت اجيب منه البنت وسلمت عليه وقالي مش هطول عليك بعد الظهر ان شاء الله هرجع قولتله ماشي طلعت واديت ريتاج لمراتي ودخلت قولت هنام شويه وانزل عشان اروح الشغل وبعد ساعه نزلت عشان اروح الشغل انا كنت شغال في مجال قطع غيار السيارات المهم وصلت المحل ودخلت اباشر الشغل وكنت مستني طلبيه توصل لقيت رقم غريب بيرن عليا قولت دا اكيد المندوب اللي جايب الطلبيه ردت عليه لقيت واحد بيقولي حضرتك حضرتك استاذ سمير قولتله نعم قالي صاحب التلفون دا عمل حديث هو وزجته وهما في المستشفى دلوقتي وقالي على مكان المستشفى وانا ماشي مش شايف من البكاء ومش مصدق
اتنظر الجزء الثاني
