سهرة ليلة العيد
يا جماعة انا حصل معايا حاجة اغرب من الخيال .
اولا اعرفكم بنفسي انا اسمي شادي 2سنة " وطبعا ده مش اسمي الحقيقي ".
السنة اللي فاتت قبل العيد اهلي قالولي انهم هيسافروا عند اقاربنا في بلدنا يقضوا العيد هناك وطلبوا مني اسافر معاهم لكن انا رفضت .
وفعلا يوم الوقفة والدي ووالدتي اخدوا اخواتي وسافروا بلدنا كلهم .
اتصلت باصحابي واتفقنا نتقابل نسهر مع بعض في ليلة العيد .
دخلت اخدت شاور ولبست وظبطت نفسي ونزلت من البيت .
اصحابي متعودين يشربوا وكده وانا مليش في الحاجات دي ولما صمموا انهم يشربوا وانا اعترضت زعلنا مع بعض وسبتهم ومشيت لوحدي .
فكرت اسهر ازاي قولت اتمشي شوية وافكر وانا ماشي .
وانا بتمشي شوفت محل ايس كريم وعليه زحمة قولت اجيب ايس كريم يسليني وانا بتمشي .
واثناء وقوفي مستني دوري شوفت بنت جاية ناحية المحل كانت جميلة اوي حلوة اخر حاجة !!!!
وهي بتقرب ناحيتي هي لاحظت اني ببصلها فابتسمت .
وبدأت كلام معها وفي ثواني كنت بعزمتها علي الايس كريم وخرجنا مع بعض من المحل !!!
خرجنا واتمشينا مع بعض شوية وسألتها عن اسمها واتكلمنا شوية وبعدها قالتلي انها تعبت من المشي .
سألتها هتسهري مع مين النهاردة
هسهر لوحدي .
باباكي ومامتك واخواتك فين
ضحكت وقولتلها وانا كمان .
بصت لي وضحكت !!
قولتلها يبقي نسهر مع بعض .
ماشي نسهر مع بعض بس هنسهر فين
قولتلها ايه رأيك تيجي تسهري معايا في البيت
قالتلي لأ اخاڤ اروح عندك تعالي انت اسهر معايا في بيتي .
كنت مش مصدق اللي انا سمعته قولها ماشي يلا بينا .
وقفنا تاكسي وبعد اقل من ربع ساعة كنا بننزل من التاكسي قريب من
كنت مش
مصدق اني هسهر مع البنت القمر دي لوحدنا وفي بيتها كمان !! ده انا كأني بحلم !!
قالتلي انا همشي لوحدي وادخل البيت وانت تعالي بعدي علشان الجيران مش يلاحظوا حاجة .
هي مشيت وانا مشيت وراها بهدوء لحد ما شوفتها دخلت بيت وانا بعد اقل من دقيقة دخلت نفس البيت وطلعت شقتها اللي قالتلي عليها .
لحد كده اللي حصل ده ممكن يحصل مع اي حد عادي .
بعد ما بقينا مع بعض بحوالي عشر دقايق فوجئت بأبوها وأمها واخواتها والمأذون واتنين شهود داخلين علينا وقالولي لازم تكتب كتابك عليها لتمو ت !!!
الصد مة لجمتني لثواني بعدها وقفت وحاولت اهر ب منهم لكنهم مسكوني !!
مفيش حل قدامي الا اني اوافق !!
وفعلا كتبتنا الكتاب ومضوني علي ايصالات امانة واوراق لو دخلت بيها السچن مش هخرج منه ابدا !!
نزلت من هناك وانا مش مصدق اللي حصل معايا وكأنه كا بوس !!
بعدها كلمتها في التليفون وسألتها عملتي فيا كده ليه انتي تعرفيني قبل كده علشان تعملي فيا كده
قالتلي انا علفكرة بنت محترمة لكن الظروف وقعتني في حب واحد معندوش ضمير بعد ما اخد غرضه مني اختفي ومعرفتش اوصله تاني ولما اهلي عرفوا قالولي اتصرفي وهاتلنا اي عريس والسلام يستر عليكي و نزلت الشارع و حظك هو اللي وقعك في طريقي !!
قولتلها لأ ده مش حظي ده قلة ادبي والشيطا ن اللي ضحك عليا و نفسي الأمارة بالسوء هما اللي عملوا فيا كده .
طلبت منها اني اطلقها واخد الاوراق اللي مضيت عليها لكنها رفضت الا بعد ما نعمل فرح كبير ونقعد سنة علي الاقل علشان كلام الناس !!
ومن ساعتها مش عارف اتصرف وحتي اهلي ميعرفوش الموضوع ده .
ودلوقتي بقول لكل شاب قرأ حكايتي اوعي تستسلم للشيطا ن مهما كانت المغريات اتقي ربنا وابعد عن الحړام والا هيحصل معاك زي اللي حصل معايا .
انتهت .
