رواية بسمتي بقلم حليمة عدادي
انت في الصفحة 1 من 27 صفحات
١٢٣
البارت 1
رواية_بسمتي بقلم_حليمة_عدادي
في ذالك القصر الواسع حيث يعم السكون في الأرجاء دلفت الشمس إلى غرفة بطلنا استيقظ وجلس حزينا بسبب عجزه لم يقدر حتى على النهوض من مكانه يحس كأنه مقيد زفر بحنق فاق من شروده على صوت أمه الحنون
هناء فيك إيه يابني زعلان ليه ..
على مافيش ياماما لو سمحتي ساعديني علشان اتوضى ..
هناء ساعدته يدخل الحمام وبعدما خرج غيرتله هدومه وساعدته يقعد على الكرسي خرجوا كانت العيلة متجمعه على الفطار
علي صباح الخير ..
مراد صباح النور ياحبيبي عامل إيه النهاردة ..
علي أنا بخير يابابا الحمدلله ..
رؤيا شكلك مضايق فيك إيه ياعلي ..
مراد بعد مانخلص الفطار عايز اتكلم معاكم في موضوع مهم ..
هناء خير يامراد إيه هو الموضوع المهم ماقولتليش يعني ..
مراد بعد الفطار هتعرفوا كل حاجة ..
بعد ماخلصوا قعدوا كلهم في الصالون مستنين مراد يتكلم
مراد علي إنت كبرت وجه الوقت علشان تتجوز لازم يكون في ست في حياتك تقف جنبك ويكون ليك ولد ..
هناء ماتقولش كدا ياحبيبي أنا هجوزك البنت اللي إنت تختارها ..
علي ماما مافيش واحده هتقبل تتجوزني اللي هتقبل هيكون علشان الفلوس مين اللي هتحب واحد عاجز قاعد على كرسي ..
رؤيا علي ياحبيبي ماتيأسش أكيد هتلاقي البنت اللي تحبك ..
هناء مش كلهم يابني همهم الفلوس ..
فجأة جه صوت من وراهم في أي
ياصاحبي إيه الكلام اللي بتقولوا دا
الټفت علي بفرحة
علي كرررريم حضنه وحشتني عامل إيه يابطل ..
كريم وإنت كمان وحشتني ..
علي لوكنت وحشتك بجد كنت جيت تشوفني ..
علي إنت أخويا وعمري ما ازهق منك خلاص مسامحك المرة دي ..
كريم أنا سمعت إنهم عايزين يجوزوك وإنت رافض إيه مالقتوش العروسه المناسبه ..
علي إنت عارف ياكريم أنا رافض ليه ..
كريم أنا عندي فكرة تخليك تلاقي البنت اللي تقبل تتجوزك ومتكونش طمعانه فيك ولا في فلوسك وبكدا تقدر تعرف من اللي هتحبك إنت مش الفلوس ..
كريم ...........
في منزل بسيط تستيقظ تلك الفتاة الجميلة ذات الشعر الذهبي و عيونها التي تشبه أمواج البحر تتوضأ وتؤدي فريضتها ثم تخرج من غرفتها وجدت أمها تجلس تنتظرها على الفطور
بسمة أحلا صباح على أجمل أم باستها وقعدت تفطر معاها ..
بسمة بقلق ماما إنتي كويسه وشك شاحب ..
جميلة أنا كويسه ياحبيبتي ماتقلقيش ..
بسمة المهم تكوني كويسه ..
جميلة النهاردة ماعندكيش شغل ..
بسمة لا ياماما ماعنديش صاحب الشغل قال ماروحش النهاردة ماما اخذتي الدواء ..
جميلة مالوش لازمة الدواء يابنتي أنا بقيت كويسه ..
بسمة مالوش لازمه إزاي ياماما إنتي تعبانه ..
جميلة يابنتي الدواء دا ثمنه غالي ماتتعبيش نفسك ..
بسمة ياماما أنا بشتغل علشان أجبلك الدواء لو حصلك حاجة أنا هعمل من غيرك علشان خاطري ماتعمليش كدا أنا ماليش غيرك ..
جميلة حاضر ياحبيبتي هاخذه ماتزعليش ..
بسمة بدموع ماتعمليش كدا ثاني أوعديني ..
جميلة أوعدك ياحبيبتي هاخذه ..
حضنتها بكل بحب فهي ليس لها بهذه الحياة سوى أمها..
البارت 2
رواية_بسمتي بقلم_حليمة_عدادي
مراد إتكلم ياكريم إحنا سامعينك إيه هي الفكرة دي ..
كريم أنا هاخذ علي معايا لحارة شعبيه وهقول إنه أخويا وإننا فقراء وهنشوف مين اللي هتحبه بحالته دي وهو فقير ..
مراد لا الفكرة مش حلوه وعلي مش هيستحمل القعده هناك فكر بحاجة ثانية ..
علي بابا أنا موافق على فكرة كريم وهروح معاه ..
رؤي وتفتكر إن فكرتك هتنجح ..
كريم أيوه برأي إن دا أفضل حل علشان علي يعرف مين اللي هتحبه وهو فقير وتحبه مهما كانت حالته ..
مراد لو علي موافق أنا ماعنديش مشكله اتمنى إن وقته مايضعش على الفاضي ..
علي بابا مافيش واحده هتقبل بيا وأنا بالحاله دي كلهم بيبصولي بشفقة لكن أنا عايز أجرب وأعمل الفكره اللي كريم قال عليها ..
هناء علي ياحبيبي جرب المرة دي إنت مش هتخسر
حاجة محدش عارف الخير فين ..
على لكن لو فكرة كريم مانجحتش مش هتفتحوا معايا الموضوع دا مرة ثانية..
كريم إن شاءالله هتلاقي اللي تحبك وهتفتكر كلامي في يوم من الأيام وهتحكي لولادك عني ..
رؤيا أكيد هتلاقيها أنا واثقة بكلام كريم لاقيها بسرعة قبل ماكريم يعجز وهو من غير جواز ..
على ماتخافيش هجوزه قريب ..
وهما قاعدين بيتكلموا دخل مالك أخو علي
مالك اللي سمعته صحيح إنت هتروح معاه ياعلي ..
علي أيوه أنا هعمل اللي قال عليه كريم ..
مالك بابا أنا مسافر جالي شغل مستعجل ..
مراد هتاخذ مراتك معاك ..
مالك أيوه يابابا نور جهزي نفسك مش عايزين نتأخر ..
هناء خلي بالك من نفسك ومن مراتك يابني
