انا و حماتي بقلم هويدا زغلول

حماتي كانت قاعده مع سحر ولقيتها بتنادي عليا وبتقول 
هيام ياهيام
هيام
نعم ياماما
ماجدة 
بقولك ايه حمات سحر عايزاكي تروحلها
هيام 
اروحلها ليه ياماما
ماجدة
هتروحي تنضفي شقتها بقيتي مطلوبة بالاسم يابت ههههه
هيام بضيق
هو انا هشتغل خدامة في البيوت ولا ايه انا متجوزة ابنك عشان اجي اخدم في بيوت العيلة كلها

ماجدة
ومالة ياختي لما تشتغلي وتخدمي العيلة كلها فيها ايه
هيام
لا اصل مش ده الاتفاق اللي اتفقتوا مع ابويا عليه ابويا جايبني هنا عشان اخدم في بيت جوزى وبس مش للعيلة كلها
ماجدة بتزعق 
اسمعي يابت لما اقولك انا اللي اقول عليه هنا يمشي ولو قولتلك ارمي نفسك في البحر ترمي نفسك
هيام
طب ياريت ارمي نفسي في البحر وارتاح من العيشة دي
ماجدة بتزعق
مالها العيشة ياضانيا مش عجباكي عشيتنا ولا ايه مانتي اعده ست اهو ولا اخليه يطلقك وترجعي لمرات ابوكي تمرمطك
هيام بټعيط 
لا وعلى ايه حاضر هعمل اللي انتو عايزينو
ماجدة 
طب يلا خودي بعضك وغوري على هناك ومتجيش غير لما تخلي شقتها بتبرق من النضافة 
ومشيت وسبتهم ورحت عند حمات سحر وفضلت انضفلها وسبت سحر قاعده مع امها وسحر قالت لها 
بقولك ايه ياما انا هطلع شقة البت هيام اشوفلي قميص جديد كده وصوباع روج ولا اي حاجة جديدة من بتاعت العرايس دي
ماجدة 
تعالي نطلع انا وانتي نشوف المخفية دي عندها ايه 
وطلعوا الشقة ودخلوا اوضة النوم وفتحوا الدولاب وسحر شافت هدومي وقالت 
ياحلاوة ياحلاوة ايه الحاجات دي كلها تعالي ياما شوفي البت جايبة قمصان شفتشي خالص هيهيهي
ماجدة 
اه يابت ياسحر والنبي دي حاجات حلوه
سحر 
الله انا هاخد القميص ده وده الله العباية دي شكلها حلو اوي انا هاخدها هي كمان
ماجدة 
خودي اللي انتي عايزاه ياقلب امك
سحر 
شوفي الروج ولا البرفان يخربيتك ياهيام دي عندها حاجات على تسريحتها حاجات تفتح بيها كوافير لا والنبي لاخد اللي انا عايزة
وفضلت سحر تلم في الحاجات اللي على التسريحه وخدت هدوم وقمصان نوم من الدولاب ونزلت هي وامها وخبت الحاجات في شنطتها ولا كأنها عملت حاجة
وانا كنت لسه عند حمات سحر كنت بخلص التنضيف لقيت حماتها بتقولي 
الله ينور عليكي ياهيام خليتي الشقة زي الفل تسلم ايدك
هيام 
تسلمي ياحجة ربنا
يخليكي ويجبر بخاطرك والله اول حد يقولي كلمة حلوه من زمان محدش جبر بخاطري بكلمة حتى
الحما 
ليه هي أم سعيد بتعاملك وحش اكيد طبعا منا عارفاها وليه اعوزو بالله منها هي وبنتها الاتنين ابالسة اكيد هتستغربي عشان انا كمان عاملة حما على سحر وهزقتها يوم مكنتي عندها هنا 
بس أصلها تستاهل دي علطول مخلية البيت من غير نضافة ومش البيت بس وعيالها كمان
هيام
معلش ياحجة يمكن عشان خاطر الحمل مخليها مش بتقدر تعمل حاجة
الحما
لا دي هي جاية من بيتهم كده ياهيام وبعدين الست الشاطرة النضيفة لو شايلة عشر عيال في بطنها هتنضف ومش هتسيب بيتها من غير نضافة يلا هاقول ايه بقا 
ولقيتها بتديني فلوس وبتقولي خودي دول ياهيام
هيام 
ايه دول ياحجة
الحما 
دول مني ليكي ياحبيبتي شوفي لو عايزة زيادة قولي
هيام 
بس انا مش عايزة حاجة خالص ياحجة انا مش جاية عشان انضف واخد فلوس انا مش خدامة
الحما 
يابت خوديهم هاتيلك حاجة ياخيبة وبعدين بصراحة انا متفقه مع سحر وحماتك على كده وهما اللي قالو اديكي فلوس
هيام مصډومة وبتعيط 
هما اللي قالولك كده طيب كتر خيرك تؤمريني بحاجة تاني انا همشي بقا 
ومشيت من عندها وصلت البيت لقيتهم اعدين
ماجدة 
ها عملتي ايه انشالله تكون